الجمعة، 1 أغسطس، 2008

جديد(أغسطس2008)

جديد(أغسطس2008)

******


وَبَعد



وَبَعد
ها قد التقينا
مرة أخرى
ألتقينا
هذه المرّة
أقرب من كل مرّة
نعم..لقد تخليتِ كثيرًا عن تحفظك
ولكنك..لا زلتِ مُصرّة
على أن تكوني..جميلة
على أن تكوني..رقيقة
على أن تكوني..مثل زهرة الفانيليا
تضحكين..ضحكة الحياة
تبعثين.. عبير الحياة
..لا زلتِ مُصرّة
على أن تكوني..كَنسمةِ الصيف
لا يدري أحد..متى تأتي
..أم متى تذهب..
لكن أحدًا.. لا يكف عن الاشتياق إليها.
***
وَبَعد
ها قد التقينا
مرة أخرى
ألتقينا
هذه المرّة
أقرب من كل مرّة
نعم..لقد تخليتُ كثيرًا عن تحفظي
وعن التفكير في قيود معصمي
عن التفكير في ربقة عنقي
..وفي نير كاهلي

ولكنني..لا زلتُ مُصرّ ًا
على أن أنظر إليك
وأن أحفظ قسماتك
على أن أعيرك سمعي
وأنقش.. كل كلمة
على رقيم صدري
على أن أتبادل معك الكلمات
ويحبس قلبي ..صوت الآهات
لا زلتُ مُصرّ ًا
على أن ..أُحبك
***
تمنيتُ...
أن أضُمك..أن ألثمُ وجهك
تمنيتُ أن أبكي حُرقة
وأن أضحك طربا
وتمنيتُ..
أن أجلس بجوارك
أن أصلي أمامك صلاة العاشق
وأن تنساب دموعي خشوعًا
وأن ينبسط وجهي صفاءً
تمنيتُ –ولا تعجبي-
لو أستعيد..عذريتي
ألا يمس جسدي..جسدا قَبْلَكِ
ألا أنطق بكلمة أُحبُك.. لأحد قَبْلَكِ
ألا يخفق فؤادي، حتى..لأحد قَبْلَكِ
ألا يخرج قلبي من خِدْرِه..
إلا ليُزَفُّ إلى قلبك

أعجب من حال الدهر
وأعجبُ..أكثر..من حالي
فلم أعبأ، يوما بتخاريف العذرية، والبتولية
وكل تراهات العقول الشرقية
لأجد، اليوم، قلبي..يحلم..
باستعادة العذرية
فهل لقلبي الثَيِّب..
أن تعود إليه العذرية.



21/7/2008 الخامسة فجرًا.


(مجموعة: بحب جديد)
**********************************************************************


هي..؟



هي..؟
هي ابنتي
نعم..ابنتي
أو لم أحملها نطفة في قلبي
يومًا بعد يوم
شهرًا بعد شهر
وهنًا على وهن
أو لا أشتاق إلى يوم أرى وجهها
يوم أسمع صوتها
يوم ألمس راحتها
نعم هي ابنتي
ولا أرغب منها فصالاً.
***
هي..؟
هي أمي
نعم..أمي
أولا أحن إليها في برد ليلي
أولا أشتاق إليها في حر يومي
أولا أجدها سلونا في ساعة ألمي
نعم..هي أمي
ولا أرغب منها فطامًا.
***
هي..؟
هي صاحبتي
أو لا أرغب أن أتقاسم معها الحلوى
أن أتبادل معها الكلمات
أن نعيش في دنيا الدُمى
مع أبطال الحكايات
أن نرسم عالمنا على الجدران
أن تجلس بجواري لساعات.
أن نتواعد في العطلات
نعم..هي صاحبتي
***
هي..؟
هي مَلاَكي
نعم..مَلاَكي
أولا ترى هالة النور في وجهها؟
أولا ترى إكليل المجد فوق رأسها؟
أولا ترى..؟
وإن لم ترَ
أولا تراني ملهوفا لتنزّلها
أولا تراني وَجِلا لدنوها
ألا تراني خاشعا في حضورها
أولا أحرك لساني عجلاً..لأذكر كلماتها
نعم..هي مَلاَكي
واصطفتني بعشقها
***
هي..؟
هي حضن..في وقت الحزن
هي..؟
هي أملي..هي نور الحلم
في ألمي..في نار العِلْم



***


(مجموعة:بحب جديد)
26/7/2008 الثالثة فجرًا.





***************************************************************************
المسرحية



سيداتي..آنساتي..ساداتي
سأنهي الآن..فصلا من حياتي
عذرا
لأنكم لم تشاهدوه
فربما لم يكن فيه
ما يستحق أن تشاهدوه
وربما..
ربما حين دعوتكم إلى المسرحية
كنت أعتقد أنه غير عادية
وربما
ربما وجدتها الآن
أكثر من عادية
ربما
عذرا لأني وحدي على المسرح
عذرا لأن الممثلين لم يظهروا
ربما لم يكونوا يستحقون
أن يظهروا
ربما..حين دعوتكم للمسرحية
كنت أعتقد.. أنهم مبدعون
متفردون
في هذا الزمان
وأنهم يستحقون
أن يعتلوا هذا المكان
ولكن
بت لا أجد فيهم مبدعون
بل أنهم عاديون..بل أكثر من عاديون
في هذا الزمان..وهذا المكان
وفي هذا المكان..وفي كل كل مكان
وفي أي مكان
عذرا
***
ها هي الساحرة الشريرة
التقليدية
ذات المقشة المعروفة
والبلورة
والتمتمات المبهمة
والطلاسم والتعاويذ السحرية
الساحرة ذات الشعر الأشعث المشيب
والأنف الضخم المعيب
ها هي تأتي إلى المسرح
مرة في عباءة العالِم
ومرة في بردة التقي
ومرة في جلباب الفلاحة البريئة
هاهي تحفظ في كل مشهد
حوار مختلف
فمرة تتمتم باسم الله..وباسم الدين
ومرة تتمتم باسم العلم
ومرة تتمتم باسم المباديء..والقوانين
..وهكذا..
كيف ستظهر على المسرح!
بأي حوار!
وبأي رداء!
وباي ملامح تعبيرية!
وسيصاحبها..أي نوع من المؤثرات الصوتية؟!
وفي كلٍ
ستكون أمامكم شخصية عادية
ربما أكثر من عادية
فعذرا
لأنه لن تظهر أمامكم
شخصية..
مسرحية
عذرا
***
ها هي البطلة
جوليت المسرحية
ذات الثوب المخملي
والبسمة الحالمة
ذات القلب الغض
وهمسات الحب
ها هي تأتي إلى المسرح
وقد نست كل شيء عن دورها
سأمت الثوب الوردي المنساب
والوجه البريء
وآثرت ثيابا مبهرجة
ومصاغا..واصباغا صاخبة
ونبر صوت مزعجة
جوليت المسرحية
لم تحفظ حوارها المكتوب
أحيانا
تأتي بحوار ممثلة أخرى
ممثلة طفلة
فتنكمش.. وتتضائل
ثم تبش..وتتفائل
مثل قطة
وأحيانا
تأتي بحوار بطلة أخرى
في مسرحية أخرى
لكاتب آخر
وأمام بطل آخر
فيتحول المشهد
إلى ضرب من المساخر
***
أحيانا
تشكو من قلة أجرها
لم يعد يكفيها..أو يعجبها
وأحيانا
تشكو من ديكور المسرح
لم يعد يقنعها
فلا تريد حديقة
أو بحيرة
أو خميلة
أو لقاء في مكتبة
إنها تريد فرش وثيرة
وسجاجيد
ومقاعد مذهّبة
ولماذا تدير حوار مع البطل
وتبادله النظرات
تكفي مكالمة تليفونية
أو حتى.. رسالة إليكترونية
لم يعد يروقها
حتى ملابس البطل
أو دوره..أو حواره
سيداتي..آنساتي..ساداتي
عذرا
لن أستطيع أن أقدم لكم:
بطلتي
فقد جاءت إلى المسرح اليوم
شخصية
تشاهدونها..كل يوم
في الشوارع..وفي البيوت
والمسلسلات الرمضانية
شخصية
في هذا الزمان
وهذا المكان
عادية
فعذرا
***
أما البطل
فها هو يأتي مرة
بثياب فارس
ممتطيا مهرا
وينشد شعرا
حماسيا
ويمتشق حساما
ماضيا
ومرة
يأتي بثياب بيضاء فضفاضة
وخصلات شعر منسابة
منكسرا..يشكو قهرا
وينشد شعرا
رثائيا..طللياً
وفي ظهره خنجر.
***
وهاهو مهندس الديكور
الذي طلبت منه أن يصمم خلفية
عادية
وأكثر من عادية
لتناسب شخصياتي المسرحية
غير العادية
فوجدته وقد جعل من المسرح
لوحة مشطورة
فهاك قصر وسيارة فارهة
ونافورة
وسماء زرقاء ..صافية
وذاك
كوخ من صفيح
وحافلة مكتظة بالرؤوس والأيدي
وسماء اعماها الدخان
وأنين السخطِ
وسياط اللعان
فأمسى المسرح
مسخا
***
سيداتي..آنساتي..ساداتي
عذرا
سأنهي فصلا من حياتي
سأنهي المسرحية
قبل أن تبدأ
عذرا
فلم تخسروا نقودكم
وقد فضلت
ألا تخسروا أيضا..وقتكم
عذرا
ومن كان منكم يريد أن يشاهد
مثل تلك المسرحية
فليذهب إلى أي بيت
أو إلى أي مصلحة حكومية
فلينظر في وجوه البشر
في الشوارع..في المقاهي..في المتاجر
فليفتح التلفاز..أو الجريدة
فسوف يشاهد
ألف بطل عادي
وألف خلفية عادية
وألف ألف مسرحية عادية
عذرا
بل ألف مسخ عادي
وألف خلفية عبثية
وألف ألف مهزلة..عادية
عذرا.
***
أما أنا
سيداتي..آنساتي..سادتي
عذرا
فقد اعتقدتُ أنني سأقدم لكم شيئا مختلفا
يستحق المشاهدة
وابطالا..
يستحقون المشاهدة
وحوارا..وديكورا
يستحق الملاحظة
***
سيداتي..آنساتي..ساداتي
عذرا
سأنهي هذا الفصل
وسأمزق أوراقي
وسوف أبحث
عن مسرح آخر
وعن أبطال آخرين
أما ابطالي القدامى
ربما سيكونوا موجودين
ككومبارس
أو ممثلين صامتين
أو مرددين
أو لوحات على الحائط
وسوف أبحث
عن حوار وديكور آخرين
عن أبطال آخرين
غير ابطال هذا الزمان
أبطال
لزمان..ولمكان..آخرين
سأبحث عن هؤلاء الأبطال
وسنكتب معا
سطور ذلك الزمان
في هذا المكان.


(مجموعة:سكرات الميلاد)


*************************************************************************************************
لكنها..كانت الحقيقة



في أمسية أربعاء
كعادتي
كنت عائدًا
من إحدى صولات المقهى
أرسم الجدية على وجهي
ومرتديا معطفي،
الواحد الأحد
وأسترجع
كم من طعنة جدلية سددتها
وكم من ضربة سفسطائية تفاديتها
وبعد أن لفظت حفنة من "الإيديولوجية"
وبضع من "الاستراتيجية"
مع بعض "من الأهمية بمكان"
و"حيثُ"، "وليس بالضرورة"
وبالتأكيد، قد قلت "إمبريالية"
كنت أسير
كعادتي
شاردًا
في نظريات تمتد بطول تاريخ البشرية
وبعرض الكرة الأرضية
وفي نفسي
-ش ش ش، هذا سر
ألعن نادل المقهى، وبائع الفول
إذ رفع كل منهم السعر



اخترقت شوارع وسط البلد، في طريقي نحو الميدان
وانتظرت الإشارة الخضراء
كأي مواطن محترم
-ش ش ش، سرٌ آخر
كأي إنسان يخشى العبور وسط السيارات.



كانت هي تقف تحت عمود النور
ملطخة بأصباغ تزيدها قبحًا
وتعري ما يزيدها نفورًا
ولكن الأهم عندي، هو النظريات
أو على الاقل
تحيُّن وقوف السيارات



=...يا..
-....
=..يا...أنتَ
-عليكِ اللعنة
أو قد وصل بك الفُجر،
إلى درجة التحرش بمثقف محترم مثلي
ش ش ش، سرٌ ثالث
أو قد وصل بك الفقر،
إلى درجة التقرب من موظف حكومة مثلي.
=..أنتَ..أنتَ من أُكلمُهُ
ألا ترغب
في ليلة هوى..
بخمسين جنيه
ستقضي مأرب
وسأريك ما لم ترَ
بخمسين جنيه
-... "عاهرة"
=...فلنقل أن تفعل أقل، وتشاهد أقل
ولتدفع أقل
-... "ملعونة"
=..إذا فلتلقي نظرة
ولتدفع عشرة
-..."رخيصة"
=...انطق..هل أنت أصم..أم أخرس
أم تراك بخيل ..أم مفلس..
ادفع ولن تندم
سأريك..وأُعلمك
وسأحقق كل نزواتك
سأصرخ من فرط فحولتك
سأتوسل كالقطة الضعيفة
سأمتدح فيك رجولتك
وسأضحك من نكاتك السخيفة



أشحت بوجهي
لا تستحق مني الكلمات
وكفاها صفع النظرات



=انتظر أيها المشمئز
لست وحدي العاهرة الملعونة
لستُ وحدي الرخيصة
لا تعد إلى نظراتك المندهشة
لم تقلها...نعم لم تقلها
ولكن قالتها عيناك
لا تعجب
فأنا أمتهعن مهنة
تعتمد على النظرات، والإيماءات
بل وقد لا تحتاج، البتة،
إلى الكلمات.
لا تعجب مما أقول
ولا تسنكف مما أفعل
أو لاتفعل، مثلما أفعل
لاتندهش..حقا تفعل



قل لي
كم من مرة صبغت وجهك بالرضا
أو بالورع، وبالخشوع
كم من مرة صبغته بابتسامات مداهنة
أو بالتوسل، والخضوع
كم من مرة عريتَ جزءً من ضميرك
كم من مرة عبثت يدٌ بمبادئك
أ ولم تفعل
أولم تخضع مثل الجارية لقوادك
لجلادك
لصاحب مال أو سلطان
أو لم تمتدح فيه نبوغه..واستبصاره
أ و لم تضحك لسخافاته
وتتبسم،حتى، لإهاناته
كم من مرة
سجي جسدك تحت ثقل الفقر
وكوت وجهك نار لهاثه
وخنقتك رائحة أنفاسه
كم من مرة
جثوتَ بين ركبتي القهر
ليقذف في وجهك شهوته السادية
ثم يركلك... وتشيعك
ضحكاته الهستيرية
***
ازداد لساني الأخرس خرسًا
وخزيت نظراتي أرضًا
وهرولت نحو الميدان
فوجدته وكأنه قد خلا
إلا منِّي
ووجدت ألف زوج من العيون
كلها عيوني
وشاهدتُني
والأصباغ تنصهر من وجهي
والثياب تتساقط عن جسدي
فجنحت مسرعًا
أتستر في الظلام
واختلستُ النظر إليها
فكانت...كما كانت
لكنها..
كانت الحقيقة
واقفة في تحدٍ.. في بقعة النور.



**********************************************************************************************

حي على النضال


الله أكبر..الله أكبر
أشهد أن لا إله إلا الله
وأن الحقّ..اسم الله
وأن الظلم..عدو الله
وأن من ظَلَم
ومن سكت..إذا انظلم
ومن لامَ مَن انظَلم
إذا صرخ من الألم
إذا رفض..إذا انتفض..وقال "لا"
خصيمُ الله
***
حي على الكفاح..حي على الكفاح
بالكلمة..وبالسلاح
لا صفح..ولا سماح
لنخاس..أوسفاح



حي على النضال.. حي على النضال
في ساحة النزال
بروح القتال
في طريق المحال
مهما طال
دنا منا المنال
***
القبلة جهة القلب
كثيرا
والقبلة أضحت..مصيرا
استحضروا عظمة الله في قلوبكم
استحضروا عظمة الحق..في صدوركم
اذكروا نار الظلم..في جنوبكم
استحضروا قوتكم في قلوبكم
وادركوا سواء السبيل بعقولكم
***
ساووا صفوفكم
فإن تسوية الصف من تمام الجهاد
كفاكم فُرقة..كفاكم ابتعاد
آن يوم التناد
إن السير لا يقدر عليه صف أعوج
ولا سائر أعرج
***
القدم في القدم
والكتف في الكتف
واليد في اليد
للباكر والغد
للقادم والوعد
***
سِدّوا الفُرج
وانسوا الخلاف
والاختلاف
عليكم بالإيلاف
والائتلاف
إلى الأمام
دون انعطاف
***
النظر في عين العدو
أقرب إلى الصمود
والسير..ولو في الصعب
أهون من القعود
والعمل..ولو دون أمل
أجدى من الركود
***
الله أكبر
والظلم أعور
والظالم أعسر
ضاق العباد
والكيل فاض
فحيّ على الجهاد
الفجر آل
والوهم زال
فحيّ على النضال.




(مجموعة: على الطريق)

**************************************************************************************



يا قاهرة


قفي.. قبل التمزق يامدينة
نخبرك اليقين..فاسمعينا
قفي..كفاك القعود
وكفانا صمتا.. ورضا بمآسينا
قفي..وانطقي بكلمة حق
والحق بَيّن..وحسبُه مبينا
يا قاهرة..يا ساحرة
تنثر عصاها النجوم لتدغدغ ليالينا
تغطي قصور الرُبى
والرُبى مرتع أعالينا
يا قاهرة..يامشعوذة
تنفخ دُخانا..كَثّا..يخنق وادينا
تصب الوصم واللعان
وشر الجان..في حوارينا
نسير وقد تعلقت أعيُننا
بنور أعمدتك
فنقع..لتلعق وجوهنا الأسفلت والطينا
***
يا قاهرة..يا مؤمنة
يا ذات الألف مئذنة
والألف مدخنة
والألف ألف مظلمة
يا قاهرة..ياموسرة
ملايين فيك مُعسرة
ولا معذرة
ولا سلوان..لما يحدث فينا
ولا عاد الصبر يُسلينا
يامدينة.
***
قومي..تحركي يا مدينة
ما عاد وقوفك يكفينا
ضمي صغار..تركتيهم أيتاما
في الانحدار
وارتقى كتفيك اللئاما
صار الأطفال شبابا
وسبق شبابهم شيابا
تركت نبتاتك قبل أن تضحى أشجارا
فاغتالها ألف ألف حطابا
قومي..تحركي
نحن صغارك فاحتضنينا
عرايا فاسترينا
جياعا فاطعمينا
نحن أشجارك..زروعك
فاسقينا.
***
يا قاهرة..يا ارض الأنبياء
يا مجمع الأديان
لماذا محوت من قلبك ذكر كل نبي
ومحوت من عقلك كل دينا
واتخذت من كل ظالم نبي
واتخذت من الظلم دينا
وقف سدنتك..لدى باب معبدك
يحملون مباخر وسياطا
فالبركات لمن حمل المال
وصولجان السلطان
فيجثو أمامه السدان
ومن لا يملك
فلمن إذن !..جُعلت السياط?
***
قفي قبل التمزق يا مدينة
نسألك اليقين فاخبرينا
كم من قلب أُغلق على نارٍ
وكم من فطيم أُلقِم المرار
كم من مصنع أضحى محرقة
وكم من حقل أمسى مقبرة
كم من منزل أصبح سجنا
وكم من حر بات سجينا
ضاق بنا وجهك
فهل يسعنا باطنك
وهل..سيأوينا!
***
لتقومي..أولتقفي
لتقفي..أولتقعدي
يا مدينة
ما عاد شأنك يعنينا
حسبنا قلوب أيقنت
حسبنا عيون أبصرت
حسبنا على طول المسير..أرجلنا
حسبنا على خلق المصير..أيدينا.



(مجموعة: على الطريق)

*****************************************************************************************

السبت، 5 يوليو، 2008

أناشيد الثوار

(1)خلص السكات(لحن)

خلص السكات..قطر الكلام قايم
يحيي اللي مات..ويفوق النايم
يرخي الستار..على أمسنا الغايم
يختم فصول..من قهر وهزايم

خلص السكات
قطر الكلام قايم

***
خلص السكات ..وما عادش له معنى
مر الحياة .. والقهر يمنعنا
كلمة نعم.. ذلتنا في حياتنا
وهنموت بعار..لولم نقول لأه

***
خلص السكات..والعضّ على الشفايف
ظل الحيطان..ما عاد يغيث خايف
بان للعيان..والكل بات عارف
كم من جبان ..من دمنا غارف
لو خفنا منه زمان.. بقى مننا خايف

اوعاكم تقولوا الشعب مات
أو راضي بالمظالم
خلص السكات
قطر الكلام قايم
***
خلص السكوت ..واتكلم العامل
حطم قيود..المارد الخامل
في موقعه وفي مصنعه..يقلق عدوه ويوجعه
صوت العنابر في المحلة..صار كل مصري بيسمعه

يغزل خيوط الأمنيات
ويجدل العزايم
خلص السكات
قطر الكلام قايم

***
خلص السكات..واتكلم الفلاح
جذره في ارضه..وفي إيده فاسه سلاح
دي أرضنا..بختم العرق
بوجودنا..مش حبر و ورق
تصبح قبور..ولا تنسَرَق

أرضي وعرضي للممات
ما افوتها للظالم
خلص السكات
قطر الكلام قايم

***
خلص السكات..واتكلموا الطلبه
تركوا الشاتات..والموضة والغلبة
انفتحت ساحات..للشاب والشابة
يمشوا الطريق..في رفاقة ومحبة
ماضي الحسام..ماتمنعه عقبه

ما احلى الولاد جنب البنات
ده بكره له نسايم
خلص السكات
قطر الكلام قايم

***
خلص السكوت..ونطقت يا صبية
وسط الحشود..بعلنها وقوية
عاشقك أنا..يا مهرة برية

أنا المهاجر من اللي فات
ولأمري أنا حازم
ما ابات بدمعة أو سهاد
وببكره أبات حالم
خلص السكات
قطر الكلام قايم
***
خلص السكات ..وهينطق الجندي
يقول مهنتي..أحمي ولاد بلدي
جنديتي ..عز وشرف
مش بهدلة..وذل وقرف


لا هتنّي سوط يكوي العباد
ولا درع للحاكم
شرف السلاح عمرُه ماخان
ولا عمرُه كان خاين
خلص السكات
قطر الكلام قايم
***
خلص السكات..قطر الكلام واصل
إسمع لصوت الإضرابات..هيلخص الحاصل:
اصحى يا مصري من كل مله ..قول حي على العصيان
اصنع مناجل من الأهلة ..وسيوف من الصلبان
فوقوا يا فقرا في بر مصر..يانوبي ياعربان
قصتنا قهر وجوع وفقر..مش لون ولا أديان
خلص السكات
خلص الكلام
قطر الثورة واصل
قطر الثورة واصل


******************************************************************************************************************************************************************
(2) عَلِّي الجدار
(إجهاض مظاهرة أمام مقام السيدة زينب، إحياءا لأحداث 18/19 يناير 1977)

عَلِّي الجدار .. عَلِّي الجدار
عَلِّي الجدار .. بعد الجدار
اكوي الديار .. بحديد ونار
انشر ظلام .. في عز النهار
وحط المقام .. تحت الحصار
عَلِّي الجدار.. عَلِّي الجدار
***
إخرِس لساننا .. واحكم قيودنا
اشفط عرقنا .. وثمار جهودنا
إيه راح يحوشنا .. لو انتفضنا
وإيه راح يحوشك .. من شعب ثار

عَلِّي الجدار.. عَلِّي الجدار

عَلِّي الجدار .. بعد الجدار
اكوي الديار .. بحديد ونار

عَلِّي الجدار.. عَلِّي الجدار
***
وسط الليالي .. خفافيش بترمح
وديابه بتعوي .. وكلاب بتنبح
وغفير حرامي .. بيسرق ويدبح
مهما حاشتنا .. الظلمة في بيوتنا
إيه راح يحوش .. نور النهار

عَلِّي الجدار.. عَلِّي الجدار

عَلِّي الجدار .. بعد الجدار
اكوي الديار .. بحديد ونار

عَلِّي الجدار.. عَلِّي الجدار
***
ُأءمر يا سيدهم .. ذئابك وسيبهم
تهبش وشوشنا .. ويهزوا ديلهم
راح ييجيى يوم .. و تدوق نيابهم
طبع الديابه .. تخضع لسيدها
وإن ساعة يسهى .. عليه تندار

عَلِّي الجدار.. عَلِّي الجدار

عَلِّي الجدار .. بعد الجدار
اكوي الديار .. بحديد ونار

عَلِّي الجدار.. عَلِّي الجدار

***
على سلو سوقك .. وكيف السمسار
ينحل وبرنا .. غول الأسعار

يمكن غلطنا..في طول سكوتنا
على من غدرنا .. وسف قوتنا
سبنا الهفايا .. تدوق دمانا
وفي النهاية .. صابها السُعَار


عَلِّي الجدار.. عَلِّي الجدار

عَلِّي الجدار .. بعد الجدار
اكوي الديار .. بحديد ونار

عَلِّي الجدار.. عَلِّي الجدار
***

كحّل عيونك .. واصبغ شعورك
خَشِّن في صوتك .. وازعق بزُورك
ما يخيلنا قولك .. و لاطبولك
تفضل، تفارق .. ده ما عادش فارق
هَمّ الليالي .. بقى موجه عالي
وموج ظلامك .. بقى في انحسار

عَلِّي الجدار.. عَلِّي الجدار

عَلِّي الجدار .. بعد الجدار
اكوي الديار .. بحديد ونار

عَلِّي الجدار.. عَلِّي الجدار
***
19/1/2008
******************************************************************************************************************************************************************
(3)أهو ده اللي صار(لحن)
أهو ده اللي صار وآدي اللي كان
ما لكش حق.. مالكش حق تلوم عليَّ
تلوم عليَّ إزاي يا سيدنا
وخير بلادنا.. وخير بلادنا، ما هوش بإيدنا
وإزاي بقى بتلوم عليَّ
****
قرب يا سيدي، وشوف وأسمع
أدي إيد بتبني، وإيد بتزرع، وإيد بتصنع
وإيد بتهدم، وإيد بتقلع،وإيد بتصفع
وكروش، مهما تبلع، ما تشبع
وبطون بتخدع جوعها بمية
وإزاي بقى بتلوم عليَّ
****
قصور سيادنا قايدة بفرايح
وبيوتنا عتمة،وأهو يوم ورايح
وقلنا،في الفرح، ما عاد مطارح
حتى الأحلام، زهدت منامنا
وإزاي بقى بتلوم عليَّ

****
كفتهم راجحة، وكيلنا طافح
شقى كثير، والرزق شاحح
وخيل الحكومة، ما عدش رابح
القلب من الهم في الدم سايح
بس الدموع في العين عصيّة
وإزاي بقى بتلوم عليَّ
***
أسياد قليلة بالعة الكثير
واحنا ياكثرة شاربين كثير
وحارس جنابه مليون غفير
وخطبجية وطبل ونفير
وسجون وقلعة أسوارها عالية
وإزاي بقى بتلوم عليَّ
****
نفوس أبيّة حنت قامتها
ونفوس دنيّة داست هامتها
العين بتبكي على كرامتها
بس قرصة الجوع قوية
وإزاي بقى بتلوم عليَّ
****
ولادك يا ارض حاسّين بشوقك
من شوقنا ليكي، اتنحتت شقوقك
في إيدينا وجبينّا، لكن حقوقك
ويّا حقوقنا،روحانا عرقنا، تحتك وفوقك
رايحين في عب صاحب الوسية
وإزاي بقى بتلوم عليَّ
*****
اشهد ياشايف، سجل يا سامع
غضب الغيطان، سخط المصانع
وفي الكنايس.. وفي الجوامع
رغم اللي حابس، رغم اللي طامع
لو لم يفوق صوتنا المدافع
ساعتها بس ابقى لوم عليّ
******************************************************************************************************************************************************************

(3)ياام العواجز

يا ام العواجز
القهر حاجز
ونابه ناغز
والسم نافذ

حتى الوتين
***
آه يا ام هاشم
ليه ليلنا عاتم
والفقر كاتم
على الصدر وقاصم

ضهر الملايين
***
يااخت الحسين
خلاصنا منين
والمهدي فين
ومين في زماننا

راح يهدي مين
***
آه يام هاشم
ردي المظالم
على حاكم ظالم
والرب عالم

بالمظلومين

***
مدديا شعب(2)
قوم خطي الصعب(2)
رفضك وجب(2)

وده فرض عين
***
مدد يا ثاير
يا عزم الخاير
ودليل الحاير
بركاننا الفاير

تحت الأراضين
***
ده الشعب قادر
وأمره صادر
وطوفانه الهادر

أهو بان للعين


******************************************************************************************************************************************************************
(4)يامهون(لحن)

يامهون..هونها علينا
عايشينها غربا في ترحيلا
شايلانا الغربة هيلا بيلا
حاطانا في الخيش والنيلة
غربتنا باردة طويلة

غربا حتى عن نفسينا
يامهون..هونها علينا
****
هونها يا ، يارب الصابرين
ع الصبر ماعدناش قادرين
م الدنيا، وم البني آدمين
بالجنة بنبات حالمين

وبنصحى على النار تكوينا
يامهون..هونها علينا
****
هونها يا الله يا عاطي
اغنينا عن العبد الواطي
سالب أمسي ويمي الآتي
حاجز حتى عمر ولادي

آسر باللقمة رقابينا
يامهون..هونها علينا
***
هيلا هيلا..يالله ياشغالة
اشتغلوا..وعلّوا السقالة
أكابرنا..عاملين رجالة
بالاسم..وعايشينها عوالة

واخدين لقمتنا منينا
يامهون..هونها علينا
***
عدينا زمن البشوات
بعديهم..زمن الظباط
دلوقتي..في زمن العصابات
صلبونا، وحكموا الشدات
مين من إيدهم هينجينا
يامهون..هونها علينا
***
هيلا هيلا يا شعب يامقهور
كفايانا من الضلمة دهور
لاجل ما عيننا تشوف النور
لازم قبله نهد السور
ولازم نغضب ونثور
ونرجّع حقنا بإيدينا
ويارب يسدد خطاوينا

************************************************************************************************************************************************

(5)ارفع صوتك

ياللي حابس بين ضلوعك
قهرك ونار خوفك وجوعك
ياللي غرقان بين دموعك
كل ده..وكاتم في صوتك

ارفع..ارفع
ارفع صـوتك

***
ياللي جسدك سجن روحك
ياللي محبوس جوّه بيتك
ياللي مدفون بالحيا
يعني حياتك زي موتك

ارفع..ارفع
ارفع صـوتك

***

ياللي بيتك صار مداسة
للوغد وكلاب الحراسة
وانت في لحظة صبحت سلعة
راكدة، في اسواق النخاسة
مهما كان دينك ولونك

ارفع..ارفع
ارفع صـوتك
***
ياللي مش سايب في جهدك
أي حاجة لاجل ولدك
نفسك بجد تقول "دي بلدك"
وانها هتصونه بعد
بس بتخونك حروفك

ارفع..ارفع
ارفع صـوتك

***
ياللي بتدوّر على ضل حيطة
أو بتسقف وسط زيطة
نار الظلم ما تحوشها حيطة
وصوت الحق ما تحوشه زيطة
حفرة الحيرة الغويطة
اخرج منها وحدد دورك

ارفع..ارفع
ارفع صـوتك

***
ياللي بتحلم كل ليلة
بأميرتك الحلوة الجميلة
إوعى تخجل من مشاعرك
إوعى مرة تخبي شوقك

ارفع..ارفع
ارفع صوتك
***
يارب يا سامع بكايا
حتى لو حايشُه في حشايا
انت عالم بالرزايا

ورّي للجبار جبروتك
سمّع كل ظالم صوتك
سمّع كل ظالم صوتك
سمّع كل ظالم صوتك
***
ياللي ظالمنا وقهرنا
انت سامعنا وشايفنا
مهما تعمل مش عارفنا
مهما كان علو سورك

بكرة صوتنا يهد سورك
بكرة صوتنا يهد سورك
***

************************************************************************************************************************************************
(6)موال
موال
عاشق بقول موال
عاشق أكون قوال
أوصف وجوه وأحوال
عن الزمان والناس
عن اللي حصل وانقال
***
عاشق بقول مواويل
عاشق لسحر الليل
لكن نهاري طويل
في نوره نار الويل
***
عاشق سطور مواويلي
مدادها ميّة نيلي
عطشى وشايفها بعيني
بتروي زرعة غيري


ما يسوى نعل مداسي
لكنه داس على راسي
ولإمتى هفضل أقاسي


ولأمتى هفضل اعاني
ولإمتى هفضل باكي
أسقي.. ومر في حلقي
اروي.. وارضي شراقي

***
عاشق بقول موواويل
في ذم كل عويل
أزعر قصير الزيل
خدام بين الحكام
وسيفه علينا سليل
***

عاشق بقول موالي
لابو الجبين العالي
بازل سنين وليالي
حافظ الطريق طوالي

حالم ..وعقله مانام
ثائر.. وعمره ما لان
أمام نخاس..ولا وسواس

غالي..وهيفضل غالي










قول يا نغم

(1)قول يا نغم



قول يا نغم
قول يا نغم

بالطبل داوي في الحواري وفي البيوت
دجال بيسحر في الرؤوس والناس سجود
تسكر مرار ليلها الغطيس
فَمَهْما كان أمرُه الخسيس
بتقول: نعم

قول يا نغم
قول يا نغم
***

للّقْمة حُكم..واللِئام مستحكمين
وجَملنا بارِك لُه زمان..ومستكين
جوعه وعطشُه وقهرُه ملو السنام
ويمر عام..من بعد عام
يمضغ ويجتر الألم

قول يا نغم
قول يا نغم

***

كان حلم وهم ..ولا أرض العلم بور
الشيب زحف.. قبل الأوان وحنى الضهور
العيب في رمي البذرة في ارض غيب
ولاّالعيب..
عيب الزمن

قول يا نغم
قول يا نغم
***

بُكره اللي جاي..ده يوم أكون أولا أكون
مافيش وسط..ولا اختيار..ولا ظنون
يا نقوم..وهيَّ القومة والخلاص
يانروح خلاص
في بير العدم

قول يا نغم
قول يا نغم
***




************************************************************************
(2)بهية

يا بهية وخبريني .. عملت إيه السنين
وياكِ يا ضي عيني .. وفي أرض الطيبين

راح فين ظل الشجر .. راح فين دهب السنابل
راح فين ضحك القمر .. راح فين دوح البلابل
و فين نخل البلح .. حدا الغيط المقابل
إيه مسّخ طعم تمره .. وعجّز الطالعين
آه ياعيني .. وعجّز الطالعين
***

قالت: شر الخلايق .. الاندال طرح المزابل
درسوا وجوهنا بنوارج .. حشوا رقابنا بمناجل
بتفتح ليه يا سائل .. في جروح الموجوعين
آه ياعيني.. في جروح الموجوعين
***

ده القهر زاد قهرين .. والفرق في الأسامي
وبعد كدح السنين .. راجعه الوسية تاني
سَنّ الراعي السكاكين .. وحامينا طلع حرامي
تضحك مقاديرنا واحنا .. بالدمع موعودين
آه ياعيني.. بالدمع موعودين
***

يا بهية وخبريني .. ع اللي قتل ياسين
قالت: ما ياما راحوا .. وتقصد أنهي ياسين

ياسين راح في الصحاري .. زي كتير من الولاد
حارب لاجل الكرامة .. وهدروا دمه، البُعاد

وياسين هجر وسافر .. يكدح في ابعد بلاد
يشقى لاجل المعايش.. واهو مات قبل الميعاد

وياسين راح وسط بلده .. مغدور باسم الجهاد
ما تفكر حبه عاد .. تقصد أنهي ياسين
***

وأهو ياما غيرهم عاشوا .. يعافروا في السنين
بيموتوا في كل لحظة .. ومحسوبين عايشين

تقصد ياسين الدارس .. زهرة كل المجالس
الحلم زهزه في عينه.. يصبح بقلمه فارس
دلوقت يا ولداه .. على قبر الحلم جالس

ولاّ ياسين الفاعل .. حاضن الخيش والمعاول
حرقوه كما الحطب .. لاجل يقيدوا المراجل
الطوق حكم رقبته .. كالعبد، والاسم عامل

بص ودور،يا عاقل .. هتلاقي مليون ياسين
الدهر حنى له ضهره .. وقضمت سِنُّه السنين
شوف كام ياسين ماتوا .. وكم عاشوا ميتين
آه ياعيني .. وكم عاشوا ميتين
***

يا بهية يا لحن فرحة.. يا غنوة للشباب
يامادّة للضِل طرحة .. لامّه كل الصحاب

هادفع لك ألف مهر .. وهاخبط ألف باب
اشغلي توب الفرح .. واخلعي ملس العذاب

قالت: العزا منصوب .. ومأذون بلدنا غاب

قالت لي:لملم حطامك .. وحل حبل الإيدين
اجبُر كسر الكرامة .. وامسح عار الجبين

روح دور على الطريق .. هتلاقي أكيد صديق
ترقيك عيون صبية .. ويدلك شاب زين
روح دور ،راح تلاقي
قدامك ألف بهية .. وفي ضهرك ألف ياسين.
آه ياعيني .. وفي ضهرك ألف ياسين.




**********************************************************************
(3)لمَّا كان


لمَّا كان الورد فَتَّح على الغصون
برغم الشوك ساحر جماله كل العيون
يهون مرار العمر وفوات السنين
بلمسة من خده الحنون
***

لمَّا كان النور بيجي بعد الظلام
وإن ده طبع الليالي والأيام
هغمض عيوني عن الأوهام
وافتحها على ضي الأحلام
***

لمَّا كان درب الأمل دايما طويل
لكن قدر ومالوش مفر ولا بديل
أنا ناوي اكمل في الطريق ده مهما طال
وكفايه إني لقيت سبيل
***

لمَّا كان صاحبي القديم هو القمر
وقلبي الأخضر لاكتماله ياما انتظر
من تاني حليت صحبته
وحلي لي على ضيُّه السهر
***

لمَّاكنت دايما بدور عن طريق
وعن صديق يشاركني في الحلم البريء
مكتوب لي بعد حيرة سنين
ألقى الطريق بعيون صديق
***

لمَّا كانت الرقاب رهن السلاسل
وسوط الظلم على الضهور طالع ونازل
لا بد للجلاد يدوق طعم السياط
ويجرب السجان سواد ليل الزنازن.
***





********************************************************************
(4)هيلا هيلا صلوا ع النبي

هيلا هيلا صلوا ع النبي

ع النبي صلوا
ابنوا وعلّوا
ع النبي صلوا

***

مرسالي..بلّغ أحوالي
لقريّب من قلبي وغالي
أمانة.. وصّل له مقالي
وما يهمش..ردّه على جوابي

هيلا هيلا صلوا ع النبي

ع النبي صلوا
ابنوا وعلّوا
ع النبي صلوا

***
محبوبي..قايد في لهيبي
لصغيّر..قلبي وقليبي
بيداري..ولاّ ما داري بي
وبناروا القايده في جنابي

هيلا هيلا صلوا ع النبي

ع النبي صلوا
ابنوا وعلّوا
ع النبي صلوا

***
باتطوّح..والأمس مروّح
والباكر..هالل بيلوّح
السكة..دايره وبتدوّخ
شدوني معاكم يا احبابي

هيلا هيلا صلوا ع النبي

ع النبي صلوا
ابنوا وعلّوا
ع النبي صلوا

***
يا ولدي.. يا قدري ووعدي
يا ناري..وضنايا في بعدي
سا محني..لو طوّل بُعدي
واغفر لي بعادي والنبي

هيلا هيلا صلوا ع النبي

ع النبي صلوا
ابنوا وعلّوا
ع النبي صلوا


********************************************************************
(5)دنيا تانية


بس لو نغمض عينينا.. في بحر ثانية
ونفتحها ، ونلاقينا..في دنيا تانية

بس لو تنسى قلوبنا..اللي فات في لمحة(ليالي جارحه)
بس لوتصبح دموعنا..لحن فرحة
ساعتها حقا ، دنيتنا تبقى، دنيا تانية

بس لوتشوف العين اللي حلمت..حلمها
بس لو تجمع الإيد اللي زرعت..قمحها
بس لو تلقى النفس اللي عملت..أجرها
ساعتها حقا ، دنيتنا تبقى، دنيا تانية

بس لو يكفي حبري..كل الكلام
بس لو يحط جارنا..كل الحمام
بس لونعيش في حلم..من غير ماانام
ساعتها حقا ، دنيتنا تبقى، دنيا تانية


بس لو في يوم دراعي..يضمها
بس لو خدي يلمس.. خدها
بس لو نمشي وكتفي.. بكتفها
ساعتها حقا ، دنيتنا تبقى، دنيا تانية

**********************************************************************
(6)مدوا الخُطى

مدوا الخُطى
مدوا الخُطى..واطووا الطريق قدامكم
هدوا الحجر..واتنوا الحديد بعنادكم
ده مهما يطول..آخره الوصول
وكفايه عرفتوا طريقكم
***

شدوا القلوع..على شط بكره الآتي
ما يهمكوش..من موج البحر العاتي
وسط البحور..قلبك جسور
ومصيره في لحظة يواتي
***

ياللا يا طالعين..نخل البلح أهو طايب
حاسبوا من الشوك..واوعاكوا الحبل الدايب
دا النخل ما يلين.. لإيدين خايفين
والتمرة ما يدوق عسلها..الفم الهايب
***

ياللي باني..ارفع وعَلّي بُناك
قيم جدرانك..مدماك ورا مدماك
افتح مِيت باب..لاجل الأحباب
ولاجل النور.. افتح مليون شباك

***
العيد قرب..ابسط يا عم السيد
الكبش النطاح..قَرَش العلف واتقيّد
بكفاية نطحُه..لا بد دبحُه
خَلّي الغلابة تعيّد

***
ده الكبش كبش..مهما كبرت قرونه
ومهما عمّر..ومهما طالت سنينه
حك السكاكين على المسن
دَمّع له عينُه
***



***********************************************************************
(7)جايز برضه بكره
(لحن)
ما بين صمت الحروف
تنطق عيون الكبت
وبين نايات الخوف
تقرع طبول الرفض

جايز تكون آخرة كلامنا.. لغط أو خرس
جايز تكون ثمرة عملنا.. هدر أو عبث

وجايز برضه بكره.. ما يطرحش بأماني
لكن لزما وحتما.. يكون له طعم تاني
***
وإيه تفرق صلاتنا في كنايس أو مساجد
وإيه يفرق برضه لوننا او نوعنا في البطايق
مادام لسوط الظلم بيخر الكل ساجد

جايز برضه بكره.. ما يطرحش بأماني
لكن لزما وحتما.. يكون له طعم تاني
***
كفايانا نقع ونسند على عكاز الانكسار
كفايانا نصوم ونفطر على تمرات المرار
وجايز برضه بكره.. ما يطرحش بأماني
لكن لزما وحتما.. يكون له طعم تاني
***
ما بين خريف اليوم
نزرع ربيع الغد
وبين هزل المسوخ
ننشد نشيد الجد
جايز برضه بكره.. ما يطرحش بأماني
لكن لزما وحتما.. يكون له طعم تاني

الخميس، 31 يناير، 2008

بحب جديد

بحب جديد

*******
(1)لِكَوْنِكِ نغمة

لِكَوْنِكِ نغمة

جعلت من صدري قيثارة

وشددت من شراييني أوتارا

وعزفتك أنتِ وحدك

وغنيتك أنتِ وحدك

ورقصت عليك وحدك

نغمة واحدة

وما أحسست بأنها تكرارا

***
لِكَوْنِكِ غصن زيتون

جعلت لك صدري مغرسا

وفي وسطِهِ قلبي

وكأنه قُدسا

ووَقَفَتْ على أسوارها بيِضُ الحمام

وجَدَلتُ من ضفائرك إكليل السلام

***
لِكَوْنِكِ يمامة قِمْرِيَّة

جعلت من قلبي الصغير عُشّا

وجعلت من صدري بِنِّـيَّة

وبصرتُ الأفق بين طرفيِّ جناحيك

فنثرتُ الحُبّ حَبّا ملء كَفَّـيَّا

ودعوتك للرِيّ من نبع مآقِّـيَّا

***
لِكَوْنِكِ معنى

لا تبلغه الكلمات

بحثت عنك في كل المعاجم

وعلى كل الألسنة

وفي كل اللغات

فوجدته في بسمة تتسلل إلى وجهي

وفي رعشة تخطف قلبي

ووجدته..في دفءِ التنهدات

***
لِكَوْنِي أنا..لا زلتُ حيا

لازلتُ أنا

وجدت في قلبي ركنا أخضرا

لم يناله عطب السنين

ولا برد الأمكنة

و لِكَوْنِكِ أنتِ..انتِ

فمن بين كل الوجوه..رأيتُك أنتِ

ومن بين كل القلوب..أحسستُكِ أنتِ

فلِكَوْنِكِ أنتِ..انتِ

فقد أحببتُكِ..أنتِ


**********************************************************************
(2)يا صَغِيرة


ياصغيرة

ليه عينيكي بيهربوا

ياصغيرة

فيها إيه لو قربوا

يا صغيرة

بُعد العيون ما اصعبه

ياصغيره

***
يا صغيرة

يا ام قلب شاب

يا صغيرة

مش بخاطري انا قلبي شاب

يا صغيرة

مما صابه ومما شاف

يا صغيرة


كوني نور لضلمته

يا صغيرة

نور لدربه وسكته

يا صغيرة

كوني ونسه في غربته

يا صغيرة

***
يا صغيرة

لسه العمر قدامك

يا صغيرة

عيشي بكره، عيشي كل أحلامك

يا صغيرة

لو انجرحتي أوعي تخفي آلامك

يا صغيرة

قومي تاني ورجي الأرض باقدامك

ياصغيره

***
يا صغيرة

فرقت ساعاتنا 8سنين

يا صغيرة

وأنا اللي عارف قد إيه تَمَن السنين

يا صغيرة

**
يا صغيرة

كان تمنهم الآلام

يا صغيرة

كانوا تيه وسط الزحام

يا صغيرة

كانوا حضن من الرخام

يا صغيرة

***
يا صغيرة

لو من عمري ينمحوا

يا صغيرة

لو آلامي عن ضلوعي يبرحوا

يا صغيرةلو عينيا مرة تانية يفرحوا

يا صغيرة

لو في غمضه ألاقي عمري..لسه واقف مطرحه

يا ..صغيرة

***
******************************************************************************
(3)في البدء


في البدء كان صدري.. سماءاً

وكان قلبي.. قدسًا

وكانت حبيبتي..ملاكًا

***
كان صدري سماءًا

مترامية الأطراف

رحبة الآفاق

عميقةصافية

تحتضن الشمس..والقمر..والنجوم

تحتضن النهار..والليل

تحتضن الفجر.. والغروب

كان صدري سماءً

قُبَّة تغطي كل البشر

وكل الأفكار

وكل المشاعر

***
كان قلبي قدسًا

أرحب

من كل المعابد..والكنائس..والمساجد

أبسط

من كل الصوامع..والبِيَع..والمحاريب

أرق

من قلب العصفور..والزهور..والفَرَاش

***
في البدء

كانت حبيبتي ملاكا صغيرا

وجه رضيعوأجنحة حمامة

بسيطة كورقة الزيتون

دقيقة

كملامح الظباء

بَرّية

كالبيداء

خجولة

كوردة لم تتفتح

***
كانت حبيبتي بكرًا

كمنابع نهر لم تُكتشف

كواحة..لم تطأها قدم

ككتاب..لم أقرأه بعد

كثياب..لم ألبسها بعد

***
كانت مرحةكالفراشة..

كنغمة القيثارة

كانت حُرّةكالمهرة

***
كان الـ"حُبّ" من حرفين

والـ"عِشق"من ثلاثة

والـ"غرام"من أربعة

والـ"صبابة"من خمسة

وفي البدءكان الحب..في القلب

قبل كل الحروف

قبل كل الكلام

قبل كل اللغات

وقبل.. قبل البدء.
*************************************************************************

(4) الشاعر الجوّال

حبيتها آه..

لا لوم عليّ في حبها

الحب حالة من الحياة..

حبيت حياتى وعشتها

لا هقول غزل في عيون غزال..

ولا هنشد شعر في شعرها

ولا اروح وآجي على دار ابوها

ولا اوسط خالها وعمها

لا هكون في يوم انا دنجوان

ولاهابقى فارس حلمها

كل منايا أكون قريب لقلبها

قدام عينيها.. في علمها

الحب ما عاد لي سيد..ولا عاد إله

اقبل عذابه بالخنوع

واقبل هوانه بالرضا

مغرم صبابة بصباها

وبضم الدنيا في ضمها

ولو برغم قرب المكان

بعد ما بين قلوبنا الزمان

هيسكن قلبي حبها

عشقها جاني في غفوة منام من الألام

وصحيت على نشوة الحياة

حبيتها آه..

لا لوم عليّ في حبها

****************************************


****************************************
*******************************************

(5) عايز ارسمك
عايز ارسمك

عايز اعزفك

عايز اكتبك

خايف اقرّب أظلمك خايف ابعد أفقدك

بتخيلك في توب حالم مخملي

وصوت بيانو

بتخيلك بتشقي طريقك بين الألوف

كائن عنيد بيثبت كيانه

بتخيلك بتشدي القوس على الكمان

وبتسحبي قلبي على الأوتار

بتخيلك بتهزي قلبي بالألحان

وبترقصي على الجيتار

بتخيلك كلام جديد

بحروف جديدة في قاموسي

شايفك رواية أو كتاب أوحكاية

مش قادر اقرأ من بعيد

مش قادر برضه أكون قريب

قلبي طير

لكنه بين قضبان حديد **************************************
***************************************

(6)بنوتة
بنوتة..

كتكوتة

زي علامات النوتة

صورة..منثورة

مرسومة..منظومة

معزوفة على الأوتار

رصانة العود ..وعود كمان

وضحكة حياه..زي الجيتار ****************************************
****************************************

(7)حبيبتي من تكون


حبيبتي من تكون

حبيبتي وجه الصباح

فلقت في قلبي الإصباح

هي زهرة

هي طعم التفاح

وعبير غد فواح

***
حبيبتي..يوم جديد

وصوت صلاة العيد

هي حلم صيفي هي مرفأ

اخشى لو كان بعيد

***

صوت حبيبتي..عميق كالينبوع

محسوس..مسموع

أراها كنور شموع

شموع يوم ميلاد..

أو يوم سبوع

***
حبيبتي ..

زهر الصِبا

بعثت في قلبي الصَبا

وجذوة قبس.. كان قد خبا

فسننت في العشق مذهبا

***
حبيبتي

عصفور يعانق النور

أراه جميلا من خلف السور

عشقت..وكرهت

عشقت العصفور وعشقت النور

وكرهت

كرهت السور

***
عشقت السِلم

وصور الحلم

كرهت الحرب.. وسور الصعب

والآن نويت الحرب ..وخوض الصعب

إلى أرض السلم.. وغرس الحلم

نويت الحب

***
حبيبتي من تكون

حبيبتي..مقصد كلامي

وبنت أحلامي

حبيبتي ..أرض سلامي

حبيبتي..رفيقة سلاحي

وغصن زيتون

***
حبيبتي ..من تكون

حبيبتي كلمة..وفكرة..وحس

لذكرها بسمة..وسَكرة..بدون كأس

وعشقها صوت عقل..

وجنون

***
**************************************************************************************

(8)آه..وألف آه

آه..وألف آه
لمّا تكون كلمة "بحبِك"..زي "آه"
لمّا يكون القلب حايش ألف آه
***
آه
صغيرة السن
تخطف قلب عياه الحزن
وطول السجن
وسجن الزمان زي الزجاج
والقلب يصرخ.. من وراه
بكلمة "بحبك"
وألف مرة كلمة "بحبك"
ويخرج صراخه زي الأنين
وتخرج "بحبك".. زي "آه"
..وألف "آه"
***
آه
ياحبيبة
يا بر تاني
يمكن قريب
يمكن يكون وطن الغريب
يمكن..ويمكن
يمكن يكون..أو لا يكون
شط الأماني
لكن لسّه..حايشنا بحر
وهو لسّه..بر.. تاني
***


كل عام وانتم بخير
(2008)

كل عام وانتم بخير
كل عام وانت يامصر يا أمنا..شجرة
ولو غطى العادم..والعناكب..والتراب، أوراقك الخضرا
ولوبال ألف كلب على جزوعك السمرا
ولو شحب وجه زهراتك الحمرا

السنة الجاية..
كل منايا
أنا الصغير..والرب أكبر
أعلم..واقدر
وهو خالق..وهو رازق
يرزقك.. بربيع أخضر
تترسم بسمة على وجه زهرك الأحمر
تلثمه الفراشات..وخدود البنات
يفرح..وينتشي..ويثمر

كل سنة وانت
ظلة للإنسان..وحضن للطير
وكل عام..وانت بخير

***
كل عام وانت بخير
يا وجه صاحبي الأسمراني
الودن اللي سمعتني..والعين اللي شايفاني
العقل اللي فاهمني..
والقلب اللي حاسسني..
والإيد اللي سانداني
يا ثاير
يا حالم بباكر
ليك، وليّ، ولكل الأنام
بهديك السلام
وكل عام..وانت بخير
***
كل عام وانتم بخير
يا ثوار
يا أمل شاقق قلب الرماد
بنور ونار
يا نساجين في قلب الليل..توب النهار
يا هادمين عش الخراب.. وزايلين هم التراب
عن عيوننا..وعن عقولنا
وواضعين حجر أساس مصر العمار
هيجي بكره
وحقل الشوك..يطرح خَضَار
زاهر..نضير
يستاهل العرق..وطول المسير
وكل عام..وانتم بخير
***
كل عام وانت بخير
يا بهية
يا حبيبتي
يا صبية،
يا ام الملامح منمنمة، وقَدّ الغصون
غصب عني، كسر لسناني
زجاج السكون

يا صبية يا بنت بكره
كل لحظة
وكل ساعة
وكل يوم
وكل عام
وانت بخير
***
كل عام
واللي باني طالع
واللي فاحت نازل
واللي زارع..واللي صانع
واكل وشارب..وقادر..وحاكم

والمشانق والزنازن
حق
لكل غاصب..كل غادر ..كل ظالم

ويعود الحق..وتتغير المقادير
وكل عام..وانتم بخير
***

الوصايا العشر


. 4لاَ تَصْنَعْ لَكَ تِمْثَالاً مَنْحُوتًا..
5لاَ تَسْجُدْ لَهُ وَلاَ تَعْبُدْهُ
لا
لا تسجد يوما لإنسان
فوق العرش
أو تمثال
في الميدان
لا تركع لسياط السدنة
لا تنحت لوحا لعقيدة
أوتقاليد
تخلدك في جنة العبيد

8اُذْكُرْ يَوْمَ السَّبْتِ لِتُقَدِّسَهُ.
فَفِيهِ سَبْتٌ لِلرَّبِّ إِلهِكَ
لا تعمل
فحتى الرب، قد أضرب
يوم السبت
وأنت تعمل..مثل العبد
بضغط العيش..ونير السوط
بنص تعاليم الأوثان
أن تعبدها
في المصنع..في الحقل.. وفي المكتب
أن تضحي بابنك عند السدان
أن تطرب لسجع الكهان

عُبدت من السنين أسداسا
من العقود اسداسا
من القرون..من الدهور..أسداسا
فبأمر الله
أجعل سابعها
سبتا

13لاَ تَقْتُلْ
لاتقتل فيك حلما
لا تئد غدك
لا تواره في ثرى أمسك
لا
لاتقتل
لاتقتل أبدا ..روحا
لا تمسي يوما ..شبحا
ساديا..سفاح
لذته عذاب الأرواح

لا
لا تقتل
لا تقتل يوما فنا
لاتمزق لوحة..أو تمحو كلمة
أوتخرس لحنا



14لاَ تَزْنِ.
لا
لاتطفيء نهم جسدك
بالمال
لا تبصق شهوتك
في جسد
عراه الفقر
وبؤس الحال

لا
لاتزن
لاتزن يوما مع امرأة
جاءت طوعا إلى مضجعك
ولو حل زناكم شرعا
لوجمعكم ألف عقد
لو بارككم ألف قس
ففراش بلا حب
هو قاع الدنس
لاَ تَشْتَهِ امْرَأَةَ قَرِيبِكَ،
لا
لاتشتهيها
فهي ليست قطعة لحم
لك
أو حتى لقريبك
لا تخلد مخطوط العبودية
ولا تستحل امرأة
بسند ملكية
هي عقل وروح
هي لحم ودم
لم تُخلق ،حاشا،
للوطء وللضم

15لاَ تَسْرِقْ
لا
ولو باسم القانون
لا تغمس خبذك في عرق أخيك
لا تسرق عمرك من عمره
لا تغزل مجدا من دمه
لا تسرق حصاد ذراعه
أو عقله

16لاَ تَشْهَدْ عَلَى قَرِيبِكَ شَهَادَةَ زُورٍ.
لا
لاتشهد
ولو بسطوا لك الأموال بحورا
لو صنعوا لصدقك سورا
لو طالت ليالي الظلم
لا تشهد زورا بلسانك
أو في قلبك
أو في كتابك

7لاَ تَنْطِقْ بِاسْمِ الرَّبِّ إِلهِكَ بَاطِلاً،
لا
لاترى في الظلم
سنة حياة
أو دين من عند الله
لا
لاترضى الظلم لغيرك
والأبدَى
ألا ترتضيه لنفسك
فالرب ليس غيورا
الرب لا يتعطش للدم
أو يشرع الظلم
17لاَ تَشْتَهِ بَيْتَ قَرِيبِكَ.
وَلاَ عَبْدَهُ، وَلاَ أَمَتَهُ،
وَلاَ ثَوْرَهُ، وَلاَ حِمَارَهُ،
وَلاَ شَيْئًا مِمَّا لِقَرِيبِك
لا
ولكن
لوكان له ألف بيت
وأنت شريد
لو كان له ألف ثور وحمار
وجيش إماء وعبيد
ماذا لو سلبك ثورك وحمارك
واتخذك عبده
واتخذ من ابنتك خدنة
ومن أمك أمته

حيناها
لا
لاتنصت
إلا لقلبك
لصراخ ولدك
لسياط عراك..وجوعك..وعطشك
لأذان حقك

لا لا تتوقع وصايا عشرا
ولا حتى سبعا
لا تنتظرها ازواجا..
أو وترا
لا تنتظر من أحد يوما
وصية
أو وصاية

فارفض
إن لم يبق إلا الرفض سلاح
فالرب نفسه قد اضرب
وموسى..
حطم الألواح.


********************
***********************
ياللي طالعين على الطريق
(رسالة إلى الطلاب الاشتراكيين)

ياللي طالعين على الطريق
ياللي عارفين السبيل
كملوه،وان كان طويل
ومهما كان ظلام الليل
وعضة الرتبه العويل
***

ياللي طالعين على الطريق
يكفيكم شر الزعيق
والجدال
اللي يودي للخرف
ويهديكم خير الرفيق
والطريق
مهما طال
لو يودي للهدف
***
يكفيكم شر القهر
وحني الظهر
شر صدمة الأحلام..في صخر العلم
وشر كتمة الآلام..في قلب الصدر
***
يكفيكم شر السكات
والسبات
والجمود
وحياة، بتكون ساعات
أسوأ حتى من الممات

-إوعاكم ، من التنازل
والتخازل
لاحسن دا بير، من المرار
مالوش قرار
***
يكفيكم شر الخنوع
والخضوع
واليأس
من ضي الشمس
قبل السطوع
يهديكم نور الطريق
ويكفيكم شر الرجوع
حتى لو طال الطريق
يكفيكم شرف الشروع
***

ما تسمعوش لو حد قال:
دا مستحيل
ولو حتى كان
زي ما قال
خطوة خطوة، يتحطم صخر المحال
ويتحقق اكتر من اللي انقال
في يوم
ده مستحيل
***
ياللي واقفين على المفارق
اسمعوا صوت المطارق
والرايات والبيارق
وهتافات الإضرابات
اللي اقوى من البنادق
واسمعوا صوت ناس
علقوا لخوفهم مشانق
اسمعوا صوت حد داس
باقدامه قانون الطواريء
***
غلطان
اللي ينسى حلمه
أو يهمله
غلطان
اللي ينسي سبيله
ولا يكمله
غلطان
اللي ما يدور
على الطريق
وعن رفيق
يشبهه
يونسه
وينبهه
غلطان
اللي يفكر يمشيها
ويلايمها
ويعديها
ويغير جلده
حسب المناخ
ده الصقر
ما ينحبس زي الفراخ
والمهر
ما يتربط وسط السباخ

واعذروني لو الختام
ريحته-يعني-مش تمام

والسلام
إمضاء
طالب متقاعد


********************************************
*********************************************

جايز بكره
(لحن)


ما بين صمت الحروف
تنطق عيون الكبت
وبين نايات الخوف
تقرع طبول الرفض

جايز تكون آخرة كلامنا.. لغط أو خرس
جايز تكون ثمرة عملنا.. هدر أو عبث


وجايز برضه بكره.. ما يطرحش بأماني
لكن لزما وحتما.. يكون له طعم تاني

***

وإيه تفرق صلاتنا في كنايس أو مساجد
وإيه يفرق برضه لوننا او نوعنا في البطايق
مادام لسوط الظلم بيخر الكل ساجد


جايز برضه بكره.. ما يطرحش بأماني
لكن لزما وحتما.. يكون له طعم تاني

كفايانا نقع ونسند على عكاز الانكسار
كفايانا نصوم ونفطر على تمرات المرار


ما بين خريف اليوم
نزرع ربيع الغد
وبين هزل المسوخ
ننشد نشيد الجد


وجايز برضه بكره.. ما يطرحش بأماني
لكن لزما وحتما.. يكون له طعم تاني

خطوات


خطوات

****
(1)
دعاء

اجعلني يوم
من غير غيوم
يوم..من غير ظلام
اجعلني يوم
أو حتى ساعة
أو حتى لحظة
لحظة في يوم
لحظة صدق..لحظة حق
لحظة في يوم
جبر المظلوم
ونصر المهزوم
***
اجعلني حرف
في كلمة حق..كلمة صدق
اجعلني صدى..في نبرة صدق

اجعلني شعاع..في حزمة نور
نور الشمس
وقت الفجر
يكسر ليل غطيس في الأمس
يكسر ليل خبيث للنفس
اجعلني شعاع..في حزمة نور
يعدي السور
سور الأمس..سور النفس
***
أعدني تاني للطين
أحضن بذره
تحمل بُكره..زرعة لبُكره
لولاد بُكره
تصبح شجره
تزهر..تثمر
تدوب البذرة
في قلب الطين
ويبقى وجودنا
في فرع الشجرة..
في لون الزهرة..
في طعم الثمرة
يبقى وجودنا
مجرد فكرة
***
اجعلني خيط..في توب كتان
هدمة غلبان
في راية رفض..راية عصيان
ضد اللي كان
راية تلوح من جديد
للقريب.. وللبعيد
رغم السياط..رغم الحديد
اجعلني خيط
***
اجعلني لون
أي لون
أزرق.. بلون السما
أسمر.. بلون الطين
أخضر..لون الأشجار
أصفر..لون النوّار
أحمر..بلون مصابيح الفرح
بلون النار
بون رايات الثوار
اجعلني خط
بين السواد والبياض
أجعلني فصل..أجعلني حسم
لأي ظنون
اجعلني لون
***
اجعل عشقي صلاة
سنة للعشاق
اجعلها أسمى
من الغرور والغيرة والأهواء
مذهب جديد في الحب والأشواق

اجعل لساني يتبتل ويتغنى
بحمد العشق ..عشق العقل و القلب
عشق الحس والمعنى

اجعل طيفها ملازمني
في الظل والشمس
وفي نور القمر
في صفحة النهر..تحت ظل الشجر
و بين وجوه البشر

اجعل وجهها ..علامة على صراطي
اجعل اسمها.. فاتحة وخاتمة لصلاتي
اجعل غرامي صلاة
واجعل عشقي
دعاء

****

***********************************************
***********************************************

(2)
أصلي واسلم

أصلي على النبي خير الآمين
واسلم على من تبعه ليوم الدين

أصلي على النبي، حطم قيود العبيد
واسلم على من رفضوا
أن يكون البشر عبيد
لتروس حديد

سلعة ورقم
مكسب وخسارة
باسم التجارة

***
أصلي على النبي
واجه رؤوس الكفر
أبو جهل وابو لهب
واسلم على من شمروا
وواجهوا غابات الجهل
وسياط اللهب
ما منعهم سجن حمالي الحطب
وأيد وأجياد
أدماها المسد
***
أصلي على النبي
رافع راية الجهاد
واسلم على من خاطوا راية الجهاد
على جلودهم
تسترهم
وتسترنا
من يوم مكتوب.. في مقدورنا
سهم وانطلق.. لصدورنا
***
أصلي على النبي
خرج غريب مهاجر
واسلم
على كل من هاجر
أراضي السوء
وسلو السوق

***
أصلي على النبي
في حياته نور القرى
وفي مماته زان الثرى

واسلم على دماء نبت القرى
عطر الثرى
صبحت بأختام الخيانة مهدرة
ياما شالت
فئوس..وطين..وسلاح
وسقطت
بعيدة..ما شيعوها
لا بجنازة ولا بصلاة
وأورثونا
سركي المعاش
والولولة
**************************************************************
***
(3)
المحلة منين
(عقب الإضراب الكبير)

المحلة منين يا سمنودي
المحلة منين يابن بلادي
المحلة منين يا عزم الإيد الشغالة
ستات وعيال بقوا رجاله
في وش الغول رفعوا صراخهم:
"واخد قوتنا..
ناوي على موتنا"
***
المحلة منين..يا أطهر أرض
المحلة منين..يا ملح الارض
صلبونا سنين على المكنة
بالطول والعرض
ننزف كرامتنا ودمانا
نطهر بيها خطايانا
خطايا خنوعنا ورضانا
كم لثمنا كرباجهم
وبوسنا الإيد اللي صفعانا
***
المحلة منين
قبلة شعبي
أحج واكفر عن ذنبي
في حق بلادي وفي حقي
أحرم والبس توب الجد
وأخف شعر عمى عينيا
وكرافته بتربطني
واقف على السلم.. مستني

***
المحلة منين هنعرفهم؟
مسحوا خانات بطايقهم
خانات نوعهم وديانتهم
سنين العرق..محت الورق
وصار تعرفهم.. من شقوق أياديهم
وبصمة صوت ..يرعب قلب أعاديهم
***
المحلة منين ..يا نقابة
يا ضباع المصنع والغابة
لاحسين فتات الديابة
عاضين في اخوانكم الغلابة

وجوهكم ليه بهت لونها
ما عاد فتاتهم يسمنها
ولا الدم هرب منها
***
في المحلة حلوا الفزورة
رسموا طريق مصر الحرة
خاطوا ثياب يوم الثورة
من غير باترون ولا مازورة
***
المحلة قريبة
يا اهل بلادي.




********************************************************

(4)
لا
لا
لحن ما أحلاه
***
لا
في عرف العروض.. سبب
ولقولها
ألف سبب..وسبب
وإن لم يكن
ففي ذاتها
ألف ألف سبب
***
نعم
في عرف العروض.. وتد
مغروس في القلب
يوثقني في الأرض

***

لا
في عرف القوافي..مطلقة
مهرة
غجرية
تعدو
تمزق كل موثقة
***
نعم
في عرف القوافي مُقَيَّدة
ومُقيِّدة
مُستعبِدة
نعم
تُقفى مع "ألم"
مع الاستكانة في العدم
وجه أحط من القدم
قلب يطحنه الألم
***
لا..
لحن ما أحلاه
صرح ما أعلاه
على سجع "خلق الله"
***
لا
توقف عقارب ساعة الخنوع
توقف الانحدار
والانهيار
وتبدأ ساعة الصعود
وثورة النار..تتصاعد
ألسنة اللاءات
تلتهم
العسف والظلم
الفقر والقهر
الفحش والمجن
والانحطاط
***
لا
تفرق الخيط الأبيض
من الأسود
من الصباح
لنكف عن شرب المر
واكل الذل
ولعق الجراح

ولننوي الصيام
عن لغط الكلام
نصرخ من أجل الإنصات
نصمت من أجل الفعل
نحرث من أجل الغرس
نكسر من أجل الجبر
نعطش من أجل الري
نجوع من أجل الشبع
نعرى من أجل الستر

نصبر على ظلام الليل
من أجل الفجر.
*********************************
*********************************

(5)
إلى امرأة.. جديدة

لا..لا..لاتكذبي
إن رأيتكما معا
لا تجزعي.. سأدع البكاء
فقد سأمت الأدمعَ

لم نكن ابدا معا
فلا تبرري
ولا تشرحي
ولا تحملي عبء الإجابة
فليس لي حق السؤال
إلا في دستور الخيال
***
دعي عيناك تسبح
في عينيه
في كفيه
في شفتيه
ولكن..لا
لا تبصري الدنيا في عينيه
لا تحتضنيها في كفيه
لا تتذوقيها في شفتيه
فالدنيا أوسع من عينين
أرحب من حضن كفين
ألذ من طعم شفتين
حسبك عينيك وكفيك وشفتيك
لا تكوني له سيدة
ولاجارية تحت القدمين
***
كوني
كما تريدي أن تكوني
ولكن أبد..لا تكوني
كما يريدك أن تكوني
كوني
لا تنتظري من أحد
كلمة "كوني"
كي تكوني
اهربي من سجن الهوا والجنوني
لوكان عشا من ذهب بين الغصونِ
***
انسيني
إن اردت أن تنسيني
ربما لم يكن بيننا من الأصل
ما يجعلك تذكريني
ولكني لن أنساك
أنا اتنسم هواك

ليكن نبيك من يكون
فلتعبديه
أو يعبدك
حسبي ركنا قصيا في معبدك
اسما في ذاكرة هاتفك
***

لا تخافي..واهدئي
فلن أحلم يوما ..أن أملكك
وليس بديل حبك.. أن أكرهك
ربما لن أعبر بحرا
أوأصعد جبلا
أو أصارع جيشا
أوأدفع من عمري
من أجل حبك

ولكني
سأعبر بحارا
وأصعد جبالا
وأصارع جيوشا
وأدفع كل عمري
من أجل حريتك
***
لن أجعل منك يوما
قيدا
تضيع سنين لأصنعه
ثم سنين لأكسره
أو تكسريه

لن تكوني لي ذنبا
أتبتل إلى الله كي يغفره
أو تغفريه

***
سارفع ذراعي لحرث الأرضِ
فشاركيني..إن أردتِ
سأطلق جناحي في الأفق
فاطلقي،إن شئت، جناحيك
فالأفق يسعني ويسعك

لن أسجد
إلا للعقل..وللحق..وللحرية
فاخلعي نعليك
وشاركيني.. إن عقلت
في صلاة جماعية

سأخط كلمات جديدة
على ألواحي
فاجلسي واقرئي،
إن شئت
إن عرفت لغتي
إن راقك خطي
كتاب الغد مفتوحا
فاغمسي قلمك في المداد
وخُطي


****************

سكرات الميلاد

(1)
ابن الحيرة
**
أنا!
أنا الطير
اللي رافض يكون نسر
ورافض يكون..فريسة لنسر
طير..قلبه مليان خير
كان نفسه يبني..لغيره ولنفسه
بدل العش..ألف عش
على ألف غصن..وعلى كل غصن
نفسه يغني
أجمل لحن..مليون لحن
ولما جا يبني لنفسه عش
كان يوم برد
شح القش..قام مقدرش
ومكملش
قال :راح اغني
حسّه انحاش
ومغناش
***
أنا المسافر..
عند المفارق
ما اعرف جاي..ولا مفارق
عايز امشي في الطريق
عايز أجرب كل المسالك
مره التفت للجاي..مره اتعثّر في اللي رايح
مره أحب كل حَيّ..مرة تضيق بيّ المطارح
مرة..ومرة..ومرة
مرة حلوة
مرات مُرّة
وأنا لسه واقف عند المفارق
مش عارف فين رايح
بس أكيد..لازم أفارق
لازم اختار طريقي
وما اختارتش
وحتى لسه..ما فارقتش
***
أنا القلم
خاطط مجامع الكلم
كلمة أمل..كلمات ألم
نفسي أكتب ألف كلمة..وألف كتاب
لكني باعمل ألف حسبة..وألف حساب
أكتب إيه!..وازاي راح اكتب
مين هيقرا..ومين هيدرى
وهيقول إيه..وإيه هيجرى
ولا اخدها من قاصرها
وبلاش أكتب
ولاقتني في النهاية..
ما بكتبش
رغم ان الحبر لسه حي جوايا..
مانشفش
(......)
ولسايا
مابكتبش
***
أنا الحجر
لكني حاسس إني..مش زي باقي الأحجار
أكون طوع للي يبني..أي بيت أو أي جدار
يمكن مش عايز أكون مقدس..أو أكون مزار
أو تمثال في متحف أو بازار
وعارف ان عمري ما هاكون حاجه
خارج بناء أو جدار
لكني عايز اعرف
أي بيت!..وهياوي مين!
أي سور!..هيحيط بإيه!
أي جدار!..وهيحوي إيه!
وافضل اسأل
واسأل..واسأل
ومن حقي..ما انا حجر
مش طوبة نية..تبوشها المية
ولا قالب..زي كثير من القوالب
يمكن أحجار كثير..تشبهني
لكن..زيي بالتفصيل
ما اعتقدش
=طب قررت!
-ما قررتش
***
أنا الحيرة
صابت عقلي
زي ما صابت عقل
ناس كثير
وهتلاقي ناس..كثير
هتقول كلام كبير:
"احنا عارفين
منين جايين..ولفين رايحين
ومنظمين..ومخططين"
كذابين
أو على الأقل..مش مدركين
إنهم
وزيهم
ناس كثيرة
ماشيين..لكنهم مصيرين
ما لهمش خيرة.
***
انا اللي اتولدت
وحسبت
أن دنيتي الصغيرة
هي الدنيا الكبيرة
وقالولي: أطلع
خطي..وادرس
واكبر
هتلاقي مكانك فوق
وكبرت
وطلعت
وفي كل خطوة باكتشف
إني مش طالع لفوق
ولكن .. بحاول أطلع ..من تحت
ولاقيت الدنيا كبيرة..كبيرة
ما قدرتش اطلع لفوق
ومش قادر اعيش تحت
***
أنا نسل جيل
رسم..وحلم
وفجة حلمه ضاع
يعنى أنا "مش في الضياع"
أنا ابن الضياع
ابن عصر البيع
وعلى رأي اللي قال
"هما باعوا الجلابية..والوطن والبندقية"
وصدق فيما قال
مدد يا إمام

وانباعت المصانع
والمزارع..صبحت وسيّة
وانداست الأرض..والعرض
والأمة..والقضية
وانباع امبارح..واليوم
وبكره..والسنين اللي جاية
جيل بينباع من الميلاد
حتى الممات
لدرجة اني اعتقدت ان أمي
الله يسامحها
ما راحتش تولدني
في "قسم الولادة"..في مستشفى الجلاء
ودخلت على عمر افندي
"قسم المبيعات"
وقال بتقول عليّ: "ابني الحيلة"
وانا في الحقيقة: "ابن الحيرة"
************************************************
************************************************

(2)
مشهد الختام

لا
لا أمل عندي في البقاء
ولا استعداد
لا
فقد حل موسم الرفض
لا
أخف على اللسان
تنتهي بصدر مفتوح
وتطلق عقال اللسان

لا وقت لدي..ولا جهد
لكلمة "نـ ـعـ ـم"
تنتهي بالوجوم
ليبدأ الإذعان
لا
لقيد
ولو كان من ذهب
لتابوت من البلور
لشِبَاك من حرير
***
لا
فقد انقشع ليل الخنوع
شمس النهوض أوشكت
على السطوع
نشرت ضياها وبددت
برك الدموع
والعين اليوم ابصرت
نورا
غير الشموع
***
لا
فصوت السفينة
يؤذن بالرحيل
إلى مرفأ بعيد
إلى أرض النور
فقد رسوت بالخطأ
على شاطئك المهجور
***
لا
فقد أعدت القطار
إلى القطبان
أسفي أنه بعد اول محطة
فقد المسار
الآن.. الوقت حان
ليكمل المشوار
***
لا
سأسدل الستار
عن مسرحية
تخلط كآبة مأساوية
وسخافة هذلية

اعتقدت يوما أني بطلها
بل وأني كاتبها
وصحوت
وأنا في ثياب الضحية

النص أقرب من لعنة
نحتت في كهف سحيق
أصابتني اللعنة
وصلبني المسوخ
والآن
لن أقبل دور الضحية
سأسدل الستار
في الفصل الأول

لا
ولو تلاعبت بألف سحر
ولو لبس المسخ
ألف وجه
وجه ملاك
أو ذئب
أوحمل
لا
فقد انفك السحر
وكفر قلبي بالسحر
وأبصرت عيني
بؤس المسخ.
************************************************
*************************************************

(3)
غريب

غريب
طعم الغربة وسط القرب
وأغرب
طعم الحضن لما يضن
ويصير سجن

***
غريب
ميلاد الحياة
بالآلام
شق الأبكار والأرحام
وحتى السِنّة للثة
وشق النبت للبذرة
وللأرض امها

وكأن الحياة بتقول بسخرية
"أنا كده..
بنت الألم"
***
غريب
لما احلم باللقاء
في آخر الطريق
وأغرب
لما يصير الفراق
فتحة طريق
***
غريب
صوت الليل زي الجيتار ساعات
وساعات، زي أنين النايات
***
غريب
لما يصير للصمت ألف لسان
وأغرب
لما يصيب الخرس كل حروف الكلام
***
غريب أمر الحروف تصنع بيمينها "أمل"
وبشمالها تصنع "ألم"
***
غريب
تمر عليّ ساعات ودقايق..
عمر طويل
وأغرب
لما وقفت في مكاني
يشيبني عفار السنين
***
غريب
ألاقي سكني في وجو اتنحتت جوايا
وأغرب
شعور الغربة لما أبص في مراية
***
غريب
أعيش لحظة
تمر ايام
تضيع من عيني ملامحها
ويبقى في قلبي إحساسها

***
غريب
لو في يوم يصير الحب سجن
وأغرب
لو في يوم تحب السجن
***
غريب
لما يصير للأفق..جدران
وقطبان
وأغرب
حجرة تصير أو سع من كل مكان..
وكل زمان.
***
غريب
زغلول قِمري
داير يدور عن عشه
عن أب وأم
والأغرب منه
هوَّ أمري
يفوت عمري
والاقي عشي
في حضن الأبن
***